ലക്സംബര്ഗ്: ബെല്ജിയത്തിലെ ബ്രസല്സില് ഫ്രാന്സിസ് മാര്പാപ്പ അര്പ്പിക്കുന്ന ദിവ്യബലിയില് പങ്കെടുക്കുവാന് വന് തിരക്ക്. സെപ്റ്റംബര് അവസാനം നടക്കുന്ന ബെല്ജിയം സന്ദര്ശനത്തോടനുബന്ധിച്ച് പാപ്പാ ലെ കിംഗ് ബൗഡോയിന് സ്റ്റേഡിയത്തില് അര്പ്പിക്കുന്ന ദിവ്യബലിയില് പങ്കെടുക്കുന്നതിനായി ഓണ്ലൈനില് ലഭ്യമാക്കിയ ടിക്കറ്റുകള് റെക്കോര്ഡ് സമയത്തിനുള്ളില് തീര്ന്നു. വിശ്വാസികള് ഓണ്ലൈനില് ഒന്നിച്ചെത്തി ടിക്കറ്റുകള് സ്വന്തമാക്കുകയായിരുന്നു. ടിക്കറ്റുകള് സൗജന്യമായി ഓണ്ലൈനില് ലഭ്യമായപ്പോള്ത്തന്നെ 90 മിനിറ്റിനുള്ളില് 32,000 ടിക്കറ്റുകള് തീരുകയായിരിന്നുവെന്ന് സംഘാടകര് പറയുന്നു.
അന്നത്തെ ദിവ്യബലിമധ്യേ, ആവിലായിലെ വിശുദ്ധ അമ്മ ത്രേസ്യയുടെ ആത്മീയ പുത്രി, കര്മ്മലീത്ത സന്യാസിനി സിസ്റ്റര് അന ഡി ജീസസിനെ വാഴ്ത്തപ്പെട്ടവളായി പ്രഖ്യാപിക്കുന്ന ചടങ്ങും നടത്തപ്പെടും.
50,000 ത്തോളം സീറ്റുകളുള്ള ബെല്ജിയത്തിലെ ഏറ്റവും വലിയ സോസര് സ്റ്റേഡിയമാണ് കിംഗ് ബൗഡോയിന്. സിറ്റി കൗണ്സിലിന്റെ ഉടമസ്ഥതയിലുള്ള സ്റ്റേഡിയത്തിലെ 18,000 സീറ്റുകള് ഇടവകകള്, രൂപതകള്, സംഘടനകള് എന്നിവയില് നിന്നുള്ള ഗ്രൂപ്പുകള്ക്കായി നീക്കിവച്ചിരിക്കുന്നു. ഗ്രൂപ്പ് രജിസ്ട്രേഷനുശേഷം ബാക്കിയുള്ള ടിക്കറ്റുകള് പൊതുജനങ്ങള്ക്ക് ലഭ്യമാക്കുമെന്ന് സംഘാടകര് അറിയിച്ചു.
Leave a Comment
Your email address will not be published. Required fields are marked with *