കൊച്ചി: വരാപ്പുഴ അതിരൂപതാംഗമായ ഫാ. ജോളി തപ്പലോടത്ത് (54) നിര്യാതനായി. ഹൃദയാഘാതത്തെ തുടര്‍ന്നായിരുന്നു അന്ത്യം സംഭവിച്ചത്.

ചിറ്റൂര്‍ തിരുക്കുടുംബ ഇടവകയില്‍ തപ്പലോടത്ത് ഡാനിയേ ലിന്റെയും ഫിലോമിനയുടെയുടെയും മകനായി 1971 ഓഗസ്റ്റ് 15 ന് ജനിച്ച ജോളിയച്ചന്‍ 1998 ഡിസംബര്‍ 27 ന് ആര്‍ച്ചുബിഷപ് ഡോ. ഡാനിയേല്‍ അച്ചാരുപറമ്പിലില്‍നിന്നും തിരുപ്പട്ടം സ്വീകരിച്ചു.

തുടര്‍ന്ന് തേവര, ചാത്യാത്ത് എന്നീ ഇടവകകളില്‍ സഹവികാരിയായും ലൂര്‍ദ് ആശുപത്രി അസി. ഡയറക്ടറായും, കൊരട്ടി, അങ്കമാലി യൂദാപുരം, കോതാട്, തൃപ്പൂണിത്തുറ വടക്കേകോട്ട, വള്ളുവള്ളി എന്നീ ഇടവകകളില്‍ വികാരിയായും സ്തുത്യര്‍ഹമായ പൗരോഹിത്യ ശുശ്രൂഷ നിര്‍വ്വഹിച്ചു.

ബുധനാഴ്ച (സെപ്റ്റംബര്‍ 17) ഉച്ചകഴിഞ്ഞ് രണ്ട് ലൂര്‍ദ്ദ് ആശുപത്രിയില്‍ പൊതുദര്‍ശനം. തുടര്‍ന്ന് 3.30 മുതല്‍ ഏഴുവരെ വള്ളുവള്ളി അമലോത്ഭവമാതാ ദൈവാലത്തില്‍ പൊതുദ ര്‍ശനവും 4 മണിക്ക് ദിവ്യബലിയും നടക്കും. തുടര്‍ന്ന് ചിറ്റൂരുള്ള ജോളിയച്ചന്റെ ഭവനത്തിലേക്ക് മൃതദേഹം കൊണ്ടുപോകും. മൃതസംസ്‌കാരം ചിറ്റൂര്‍ തിരുക്കുടുംബ ദൈവാലയത്തില്‍ സെപ്റ്റംബര്‍ 18 വ്യാഴാഴ്ച രാവിലെ 10ന് നടക്കും.

18-ന് രാവിലെ 8 മുതല്‍ ചിറ്റൂര്‍ തിരുക്കുടുംബ ദൈവാലയത്തില്‍ പൊതുദര്‍ശനം. തുടര്‍ന്ന് രാവിലെ 10 മണിക്ക് മൃതസംസ്‌ക്കാര ദിവ്യബലി ആര്‍ച്ചുബിഷപ് ഡോ. ജോസഫ് കളത്തിപറമ്പിലിന്റെ മുഖ്യകാര്‍മ്മികത്വത്തില്‍ നടക്കും.