കൊച്ചി: ഇസ്രായേല്‍- പലസ്തീന്‍ സംഘര്‍ഷത്തില്‍ സമാധാനം പുനഃസ്ഥാപിക്കുന്നതിനായി ലത്തീന്‍ കത്തോലിക്കാ മെത്രാന്‍ സമിതിയുടെ നേതൃത്വത്തില്‍ ഇന്ന് (ഒക്‌ടോബര്‍ 17) വൈകുന്നേരം അഞ്ചിന് എറണാകുളം സെന്റ് ഫ്രാന്‍സിസ് അസീസി കത്തീഡ്രലില്‍ വച്ച് പ്രാര്‍ത്ഥനാ യജ്ഞം നടത്തുന്നു.

മനുഷ്യമനഃസാക്ഷിക്ക് മുറിവേല്‍പ്പിക്കുന്ന വിധം പശ്ചിമേ ഷ്യയില്‍ യുദ്ധം നടക്കുന്നതു വഴി അനേകം മനുഷ്യ ജീവന്‍ ബലികഴിപ്പിക്കപ്പെടുകയും കുഞ്ഞുങ്ങള്‍ക്ക് ദാരുണ മരണം സംഭവിക്കുകയും ചെയ്തുകൊണ്ടിരിക്കുന്ന സാഹചര്യത്തില്‍ യുദ്ധം അവസാനിക്കാനും സമാധാനം പുനഃസ്ഥാ പിക്കപ്പെടുന്നതിനും വേണ്ടിയാണ് പ്രാര്‍ത്ഥന നടത്തുന്നത്. വരാപ്പുഴ അതിരൂപതാധ്യക്ഷന്‍ ഡോ. ജോസഫ് കളത്തിപ്പറമ്പില്‍ പ്രാര്‍ത്ഥനാ യജ്ഞത്തിന് നേതൃത്വം നല്‍കും.