കോട്ടയം: ഭിന്നശേഷിയുള്ളവരുടെ സമഗ്ര ഉന്നമനം ലഭ്യമാക്കി കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് നടപ്പിലാക്കി വരുന്ന സമൂഹാധിഷ്ഠിത പുനരധിവാസ പദ്ധതിയുടെ ഭാഗമായിട്ടുള്ള അഗാപ്പെ സ്പെഷ്യല് സ്കൂളിലെ കുട്ടികളുടെ സംഗമം സംഘടിപ്പിച്ചു. തെള്ളകം ചൈതന്യയില് നടന്ന സംഗമം ഏറ്റുമാനൂര് മുനിസിപ്പല് ചെയര്പേഴ്സണ് ലൗലി ജോര്ജ്ജ് ഉദ്ഘാടനം ചെയ്തു.
കെഎസ്എസ്എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര് ചടങ്ങില് അധ്യക്ഷത വഹിച്ചു. കെഎസ്എസ്എസിന്റെ നേതൃത്വത്തില് കുമരകം, കൈപ്പുഴ എന്നിവടങ്ങളില് പ്രവര്ത്തി ക്കുന്ന അഗാപ്പെ സ്പെഷ്യല് സ്കൂളുകളിലെ കുട്ടികള് സംഗമത്തില് പങ്കെടുത്തു. സംഗമ ത്തോടനുബന്ധിച്ച് കുട്ടികള്ക്കായി വിവിധ മത്സരങ്ങളും കലാപരിപാടികളും നടത്തി. കൂടാതെ ചൈതന്യ ചില്ഡ്രന്സ് പാര്ക്ക് സന്ദര്ശനവും ക്രമീകരിച്ചിരുന്നു.
Leave a Comment
Your email address will not be published. Required fields are marked with *