കൊട്ടാരക്കര: 96 ഇടവകകള്‍ ചേര്‍ന്നു നടത്തിയ ജപമാല പ്രദക്ഷിണം ശ്രദ്ധേയമായി. മലങ്കര സുറിയാനി കത്തോലിക്കാ സഭയുടെ മാവേലിക്കര ഭദ്രാസനത്തിലെ എല്ലാ ഇടവകകളില്‍നിന്നുള്ള പ്രതിനിധികള്‍ ജപമാല റാലിയില്‍ അണിനിരന്നു. കൊട്ടാരക്കര നീലേശ്വരം ഇടവക ദേവാലയത്തില്‍ നിന്നും ആരംഭിച്ച ജപമാല പ്രദക്ഷിണം നാലു കിലോമീറ്റര്‍ അകലെയുള്ള അമ്പലത്തുംകാല സെന്റ് ജോര്‍ജ് മലങ്കര കത്തോലിക്കാ ദൈവാലത്തിലാണ് സമാപിച്ചത്. ജപമാല പ്രദക്ഷിണത്തിന് ഏതാണ്ട് രണ്ട് കിലോമീറ്റര്‍ നീളം ഉണ്ടായിരുന്നു.
സമാപന സമ്മേളനത്തില്‍ മാവേലിക്കര ഭദ്രാസനാധിപന്‍ ഡോ. ജോഷ്വ മാര്‍ ഇഗ്നാത്തിയോസ് സന്ദേശം നല്‍കി. പരിശുദ്ധ അമ്മ പ്രക്ത്യക്ഷപ്പെട്ട അവസരങ്ങളിലൊക്കെ പാപത്തിന് പരിഹാ രമര്‍പ്പിക്കാനാണ് ആവശ്യപ്പെട്ടത്. പ്രാര്‍ത്ഥനയിലൂടെ കുടുംബങ്ങളെ കാത്തുസൂക്ഷിക്കണമെന്നും മാര്‍ ഇഗ്നാത്തിയോസ് പറഞ്ഞു. മാവേലിക്കര രൂപതയിലെ കാത്തലിക് മദേഴ്‌സ് ഫോറത്തിന്റെ (എംസിഎംഎഫ്) ആഭിമുഖ്യത്തിലായിരുന്നു ജപമാല പ്രദക്ഷിണം.
Leave a Comment
Your email address will not be published. Required fields are marked with *