മാര്‍ട്ടിന്‍ വിലങ്ങോലില്‍
ടെക്സാസ്: ചെറുപുഷ്പ മിഷന്‍ലീഗിന്റെ ചിക്കാഗോ രൂപതാതല സമ്മേളനം ഒക്ടോബര്‍ 4നു നടക്കും. കൊപ്പേല്‍ സെന്റ് അല്‍ഫോന്‍സാ സീറോമലബാര്‍ ഇടവകയാണ് ഇത്തവണ സമ്മേളനത്തിന് ആതിഥേയത്വം വഹിക്കുന്നത്. അന്നേദിവസം ഇടവകയില്‍ നടക്കുന്ന വിപുലവുമായ പരിപാടിയില്‍ ടെക്സാസ് ഒക്ലഹോമ റീജണിലെ ഇടവകയിലെ അറുനൂറോളം ചെറുപുഷ്പ മിഷന്‍ ലീഗ് അംഗങ്ങള്‍ പങ്കെടുക്കും.
ചിക്കാഗോ രൂപതാ മെത്രാന്‍ മാര്‍ ജോയ് ആലപ്പാട്ട് സമ്മേളനം ഉദ്ഘാടനം ചെയ്യും. റീജണിലെ ഇടവക യൂണിറ്റുകളുടെ മാര്‍ച്ചുപാസ്റ്റും മറ്റു വിവിധങ്ങളായ പരിപാടികളും ക്രമീകരിച്ചിട്ടുണ്ട്.
ഭാരതസഭയിലെ ഏറ്റവും വലിയ അല്മായ പ്രേഷിത സംഘടനയായ മിഷന്‍ ലീഗ് 2022 ല്‍ ചിക്കാഗോ രൂപതയില്‍ പ്രവര്‍ത്തനം ആരംഭിച്ചു. ഇപ്പോള്‍ അമേരിക്കയിലെ മറ്റു ഇടവകകളിലും യൂണിറ്റുതല പ്രവര്‍ത്തനങ്ങള്‍ നടന്നുവരുന്നു.
ഇടവക വികാരി ഫാ. മാത്യൂസ് കുര്യന്‍ മുഞ്ഞനാട്ട്, അസിസ്റ്റന്റ് വികാരി ഫാ. ജിമ്മി എടക്കുളത്തൂര്‍ എന്നിവരുടെ നേതൃത്വത്തില്‍ ഇടവകാതല ഒരുക്കങ്ങള്‍ പൂര്‍ത്തിയായി വരുന്നതായി സെന്റ് അല്‍ഫോന്‍സാ അനിമേറ്റര്‍ റോസ്‌മേരി ആലപ്പാട്ട്, ആന്‍ ടോമി (സൗത്ത് വെസ്റ്റ് സോണ്‍ എക്സിക്യൂട്ടീവ് അംഗം) എന്നിവര്‍ അറിയിച്ചു.
Leave a Comment
Your email address will not be published. Required fields are marked with *