ഇസ്‌നിക് (തുര്‍ക്കി): ദൈവവചനത്തിന്റെ ആഴം ഉള്‍ക്കൊണ്ട് എല്ലാ ക്രൈസ്തവ വിഭാഗങ്ങളും ഒരുമിച്ച് യാത്ര തുടരണമെന്ന് ലിയോ പതിനാലാമന്‍ മാര്‍പാപ്പ. തുര്‍ക്കിയിലെ ഇസ്‌നിക്കില്‍ (പഴയ നിഖ്യ) നടന്ന എക്യുമെനിക്കല്‍ പ്രാര്‍ത്ഥനക്കുശേഷം സന്ദേശം നല്‍കുകയായിരുന്നു മാര്‍പാപ്പ.
സംഭാഷണത്തിന്റെയും സഹകരണത്തിന്റെയും പാതകള്‍ പിന്തുടരാന്‍ എല്ലാ ക്രൈസ്തവരെയും പാപ്പ ആഹ്വാനം ചെയ്തു. സാഹോദര്യത്തിനാണ് ഈശോ തന്റെ ജീവിതത്തിലുടനീളം പ്രാധാന്യം നല്‍കിയത്. അതിനാല്‍ ജാതി,മത, നിറ,ഭാഷാ വ്യത്യാസമില്ലാതെ എല്ലാ മനുഷ്യരെയും ബഹുമാനിക്കാനും അവകാശങ്ങളെ അംഗീകരിക്കാനും നമുക്കാകണമെന്ന് മാര്‍പാപ്പ ഓര്‍മ്മിപ്പിച്ചു.
പ്രാര്‍ത്ഥനയില്‍ പങ്കെടുത്ത ലോകത്തിന്റെ വിവിധ ഭാഗങ്ങളില്‍നിന്നുള്ള സഭാ നേതാക്കള്‍ക്ക് മാര്‍പാപ്പ നന്ദി പറഞ്ഞു. ഈശോമിശിഹാ നമുക്ക് വ്യക്തിപരമായി ആരാണെന്ന് സ്വയം ചോദിക്കാന്‍ നിഖ്യാ കൗണ്‍സില്‍ ഇന്നും നമ്മെ ക്ഷണിക്കുകയാണെന്ന്, 325-ല്‍ നടന്ന നിഖ്യാ കൗണ്‍സിലിനെ അനുസ്മരിച്ചുകൊണ്ട് മാര്‍പാപ്പ പറഞ്ഞു.
സഭാ ചരിത്രത്തിലെ നിര്‍ണായകമായ നിഖ്യാ സൂനഹദോസിന്റെ 1700-ാം വാര്‍ഷികം പ്രമാണിച്ചു സംഘടിപ്പിച്ച പ്രാര്‍ത്ഥനയില്‍ കോണ്‍സ്റ്റാന്റിനോപ്പിളിലെ എക്യൂമെനിക്കല്‍ പാത്രിയാര്‍ക്കീസ് ബര്‍ത്തലോമിയോ ഒന്നാമന്‍ ഉള്‍പ്പെടെ വിവിധ ക്രൈസ്തവ സഭകളില്‍നിന്നുള്ള 20 പ്രമുഖര്‍ പാപ്പയ്‌ക്കൊപ്പം പങ്കെടുത്തു. നൈസിയന്‍-കോണ്സ്റ്റാന്റിനോപ്പി
Leave a Comment
Your email address will not be published. Required fields are marked with *