ഇസ്താംബൂള്: ക്രൈസ്തവ ഐക്യത്തിനും സമാധാനത്തിനുമായുള്ള പ്രതിബദ്ധത ആവര്ത്തിച്ച് ലിയോ 14 -ാമന് പാപ്പയും എക്യുമെനിക്കല് പാത്രിയാര്ക്കീസും സംയുക്ത പ്രഖ്യാപനത്തില് ഒപ്പുവച്ചു. ഇസ്താംബൂളിലെ എക്യുമെനിക്കല് പാത്രിയാര്ക്കേറ്റില് ബര്ത്തലോമിയോ ഒന്നാമന് പാത്രിയാര്ക്കീസിനെ സന്ദര്ശിച്ചപ്പോഴാണ് ഇരുവരും സംയുക്ത പ്രഖ്യാപനത്തില് ഒപ്പുവച്ചത്.
തുര്ക്കിയിലേക്കുള്ള അപ്പസ്തോലിക യാത്രയുടെ മൂന്നാം ദിനം ഇസ്താംബൂളിലെ സെന്റ് ജോര്ജ് പാത്രിയാര്ക്കല് ദൈവാലയത്തില് നടത്തിയ പ്രാര്ത്ഥനാ ശുശ്രൂഷയിലും ലിയോ 14-ാമന് പാപ്പ എക്യുമെനിക്കല് പാത്രിയാര്ക്കീസിനൊപ്പം പങ്കുചേര്ന്നു. തന്റെ മുന്ഗാമികളുമായുള്ള പാത്രിയാര്ക്കീസിന്റെ സാഹോദര്യ ബന്ധത്തിന്റെ തുടര്ച്ച എടുത്തുകാണിച്ചുകൊണ്ട്, തനിക്ക് നല്കിയ ഊഷ്മളമായ സ്വീകരണത്തിന് പാപ്പ നന്ദി രേഖപ്പെടുത്തി.
വിശ്വാസത്തില് സഹോദരങ്ങളായവരോടൊപ്പം, ഒന്നാം നിഖ്യാ എക്യുമെനിക്കല് കൗണ്സിലിന്റെ 1,700-ാം വാര്ഷികം ആഘോഷിക്കാനായത് അസാധാരണമായ കൃപയുടെ നിമിഷങ്ങളായി മാറിയെന്നും പാപ്പ കൂട്ടിച്ചേര്ത്തു. എക്യുമെനിക്കല് പാത്രിയാര്ക്കേറ്റിന്റെ മധ്യസ്ഥനായ അപ്പസ്തോലനായ ആന്ഡ്രൂവിന് ആദരാഞ്ജലി അര്പ്പിച്ച പാപ്പ തങ്ങളുടെ മധ്യസ്ഥനായ വിശുദ്ധന്റെ തിരുനാള് ആഘോഷിക്കുന്ന പാത്രിയാര്ക്കീസിനും സന്നിഹിതരായ എല്ലാവര്ക്കും ആശംസകള് നേരുകയും ചെയ്തു.
Leave a Comment
Your email address will not be published. Required fields are marked with *