കൊച്ചി: കേരള കത്തോലിക്കാ മെത്രാന് സമിതിയുടെ പാസ്റ്ററല് ഓറിയന്റേഷന് സെന്ററില് (പാലാരിവട്ടം പിഒസി) നടന്ന ക്രിസ്മസ് ആഘോഷം ‘നോയല് 2025’ ഭക്തിസാന്ദ്രവും സാംസ്കാരിക വൈവിധ്യവും നിറഞ്ഞ അന്തരീക്ഷത്തില് ആഘോ ഷിച്ചു.
കെസിബിസി പ്രസിഡന്റ് ആര്ച്ചുബിഷപ് ഡോ. വര്ഗീസ് ചക്കാലക്കല് അധ്യക്ഷത വഹിച്ചു. ക്രിസ്മസ് കേക്ക് മുറിക്കലും ക്രിസ്മസ് ട്രീ തെളിയിക്കലും അദ്ദേഹം നിര്വഹിച്ചു. ക്രിസ്മസ് സ്നേഹത്തിന്റെയും സമാധാനത്തിന്റെയും സൗഹാര്ദ്ദ ത്തിന്റെയും പുതിയ ആകാശവും പുതിയ ഭൂമിയും സൃഷ്ടിക്കാന് ഇടവരട്ടെയെന്ന് അദ്ദേഹം ആശംസിച്ചു.
കെസിബിസി ഡെപ്യൂട്ടി സെക്രട്ടറി ജനറലും പിഒസി ഡയറക്ടറുമായ ഫാ. തോമസ് തറയില് സ്വാഗതം ആശംസിച്ചു. വിവിധ സഭകളെയും സ്ഥാപനങ്ങളെയും പ്രതിനിധീകരിച്ച് ഒരുക്കിയ കരോള് ഗാനങ്ങള് ആഘോഷത്തിന് നിറംപകര്ന്നു. മാര്ത്തോമാ ചര്ച്ച് ക്വയര്, സെന്റ് മാര്ട്ടിന് ഡി പോറസ് ചര്ച്ച് ക്വയര്, സെന്റ് മൈക്കേല്സ് ചര്ച്ച് ക്വയര്, പി.ഒ.സി ടീം ട, പി.ഒ.സി സൈക്കോളജി ബാച്ച് 25 എന്നിവരുടെ സംഗീതാ വതരണങ്ങള് ശ്രദ്ധേയമായി.
അസിസി വിദ്യാനികേതന് ടീം, എംഎസ്ജെ ടീം, ലൂര്ദ് സ്കൂള് ഓഫ് നഴ്സിംഗ് ടീം എന്നിവരുടെ നൃത്താവതരണങ്ങളും സാന്താ ഡാന്സും ആഘോഷത്തിന് ഉത്സവചായ പകര്ന്നു.
ആലുവ അദ്വൈത ആശ്രമത്തിലെ സ്വാമി ധര്മ്മചൈതന്യ, എറണാകുളം ഗ്രാന്ഡ് മസ്ജിദിലെ ഇമാം ഫൈസല് അഷരി എന്നിവര് ക്രിസ്മസ് സന്ദേശങ്ങള് നല്കി. പിഒസി പബ്ലിക്കേഷന്സ് ചീഫ് എഡിറ്റര് റവ. ഡോ. ജേക്കബ് പ്രസാദ് നന്ദി രേഖപ്പെടുത്തി.
Leave a Comment
Your email address will not be published. Required fields are marked with *