Follow Us On

28

February

2021

Sunday

ആദ്യ സചിത്ര ബൈബിൾ, അതും കൈയെഴുത്തുപ്രതി; അതാണ് എത്യോപ്യയിലെ ‘ഗരിമ ഗോസ്പൽ’

ആദ്യ സചിത്ര ബൈബിൾ, അതും കൈയെഴുത്തുപ്രതി; അതാണ് എത്യോപ്യയിലെ ‘ഗരിമ ഗോസ്പൽ’

ആഗോളസഭയിൽ ഇന്ന് (ജനു.24) തിരുവചന ഞായർ. തിരുവചനം പഠിക്കാനും ധ്യാനിക്കാനും പ്രഘോഷിക്കാനുമുള്ള സഭാംഗങ്ങളുടെ ഉത്തരവാദിത്തം സവിശേഷമാംവിധം ഓർമിപ്പിക്കുന്ന ഈ ദിനത്തിൽ, എത്യോപ്യയിലെ ‘ഗരിമ ഗോസ്പലി’നെ കുറിച്ച് അറിയാം.

ആഡിസ് അബാബ: സചിത്ര ബൈബിൾ, അതും ആയിരത്തിൽപ്പരം വർഷം പഴക്കമുള്ള കൈയെഴുത്തുപ്രതി. എത്യോപ്യയിലെ അബുനാ ഗാരിമ സന്യാസ ആശ്രമത്തിലാണ് സവിശേഷമായ ഈ ബൈബിൾ സൂക്ഷിച്ചിരിക്കുന്നത്. ‘ഗരിമ ഗോസ്പൽ’ എന്ന് അറിയപ്പെടുന്ന ഈ സചിത്ര ബൈബിൾ എത്യോപ്യൻ ഭാഷയായ ‘ഗീസി’ലാണ് എഴുതപ്പെട്ടിരിക്കുന്നത്.

ഏകദേശം ഒരേ കാലഘട്ടത്തിൽ എഴുതപ്പെട്ട 10 ഇഞ്ച് കനത്തിലുള്ള രണ്ടു വാല്യങ്ങളായാണ് ബൈബിൾ സൂക്ഷിച്ചിരിക്കുന്നത്. ആട്ടിൻ തോലിൽ എഴുതപ്പെട്ട ഇതിൽ നാല് സുവിശേഷങ്ങളാണുളളത്. 11-ാം നൂറ്റാണ്ടിൽ എഴുതപ്പെട്ടു എന്നായിരുന്നു അനുമാനം. എന്നാൽ, എ.ഡി 330- 650 കാലഘട്ടത്തിൽ തയാറാക്കപ്പെട്ടത് എന്നാണ് കാർബൺ ഡേറ്റിംഗ് ടെസ്റ്റിലെ കണ്ടെത്തൽ.

സന്യാസ ആശ്രമത്തിന്റെ സ്ഥാപകൻ അബ ഗരിമ എന്ന സന്യാസിയാണ് ഈ കൈയെഴുത്തുപ്രതിക്കു പിന്നിലെ കരങ്ങളെന്ന് വിശ്വസിക്കപ്പെടുന്നു. എഴുതപ്പെട്ട കാലഘട്ടം കണക്കിലെടുത്താൽ ഏറ്റവും പഴക്കമുള്ള സുവിശേഷങ്ങളുടെ പട്ടികയിൽ ഇതും ഉൾപ്പെടും. ഇസ്ലാമിക അധിനിവേശത്തെയും ഇറ്റാലിയൻ കടന്നുകയറ്റത്തെയും സന്യാസ ആശ്രമത്തിന്റെ ദൈവാലയത്തിൽ ഉണ്ടായ അഗ്‌നിബാധയെയും കൈയെഴുത്ത് പ്രതികൾ അതിജീവിച്ചു എന്നതും അത്ഭുതമാണ്.

Leave a Comment

Your email address will not be published. Required fields are marked with *

Latest Posts

Don’t want to skip an update or a post?