പുനരൈക്യ ശില്‍പി ദൈവദാസന്‍ ആര്‍ച്ചുബിഷപ് ഗീവര്‍ഗീസ് മാര്‍ ഈവാനിയോസ് പിതാവിന്റെ എഴുപതാം ഓര്‍മ തിരുനാളിനോടനുബന്ധിച്ച് നടക്കുന്ന 43-ാമത് തീര്‍ത്ഥാടന പദയാത്രയ്ക്ക് പത്തനംതിട്ട റാന്നി പെരുനാട്ടില്‍ തുടക്കമായി. മേജര്‍ ആര്‍ച്ചുബിഷപ് കര്‍ദിനാള്‍ മാര്‍ ബസേ ലിയോസ് ക്ലീമിസ് കാതോലിക്കാ ബാവ വിശുദ്ധ കുര്‍ബാനക്ക് മുഖ്യകാര്‍മികത്വം വഹിച്ചു. പത്തനംതിട്ട ഭദ്രാസന അധ്യക്ഷന്‍ ഡോ. സാമുവല്‍ മാര്‍ ഐറേനിയസ്, ഡല്‍ഹി-ഗുഡ്ഗാവ് ഭദ്രാസന അധ്യക്ഷന്‍ ഡോ. തോമസ് മാര്‍ അന്തോണിയോസ്, പൂത്തൂര്‍ ഭദ്രാസന അധ്യക്ഷന്‍ ഡോ. ഗീവര്‍ഗീസ് മാര്‍ മക്കാറിയോസ്, യുവജന കമ്മീഷന്‍ ചെയര്‍മാന്‍ ബിഷപ് ഡോ. മാത്യൂസ് മാര്‍ പോളികാര്‍പ്പസ്, കൂരിയാ മെത്രാന്‍ ഡോ. ആന്റണി മാര്‍ സില്‍വാനോസ്, പത്തനംതിട്ട ഭദ്രാസന മുന്‍ അധ്യക്ഷന്‍ ഡോ. യൂഹാനോന്‍ മാര്‍ ക്രിസോസ്റ്റം എന്നിവര്‍ സഹ കാര്‍മികരായിരുന്നു.
തുടര്‍ന്നു മാര്‍ ക്ലീമിസ് കാതോലിക്ക ബാവ പദയാത്രയ്ക്കുള്ള കുരിശ് ആശീര്‍വദിച്ച് പദയാത്ര ഉദ്ഘാടനം ചെയ്തു. പെരുന്നാട്ടില്‍നിന്ന് ആരംഭിച്ച പദയാത്ര പത്തനംതിട്ട, അടൂര്‍,കൊട്ടാരക്കര, ആയൂര്‍ വഴി ജൂലൈ 14-ന് വൈകുന്നേരം 5.30 ന് തിരുവന ന്തപുരം സെന്റ്‌മേരീസ് മേജര്‍ ആര്‍ക്കി എപ്പാര്‍ ക്കിയല്‍ കത്തീഡ്രല്‍ ദേവാലയത്തിലെ കബറിങ്കല്‍ എത്തിച്ചേരും. മൂവാറ്റുപുഴ, തിരുവല്ല ഭദ്രാസനങ്ങളില്‍ നിന്നാരംഭിക്കുന്ന പദയാത്രകളും വിവിധ വൈദിക ജില്ലകളില്‍ നിന്നാരംഭിക്കുന്ന പദയാത്രകളും പ്രധാന പദയാത്രയോടൊപ്പം ചേരും. 14-ന് വൈകുന്നേരം പട്ടം കബര്‍ ചാപ്പലില്‍ പ്രധാന പദയാത്രക്ക് സ്വീകരണവും തുടര്‍ന്ന് മെഴുകുതിരി പ്രദിക്ഷണവും നടക്കും.
എംസിവൈഎം ആണ് പദയാത്രയ്ക്ക് നേതൃത്വം നല്‍കുന്നത്. സഭാതല ഡയറക്ടര്‍ ഫാ. പ്രഭീഷ് ജോര്‍ജ്, സഭാതല പ്രസിഡന്റ് എയ്ഞ്ചല്‍ മേരി, ജനറല്‍ സെക്രട്ടറി സുബിന്‍ തോമസ്, തിരുവന ന്തപുരം മേജര്‍ അതിഭദ്രാസന ഡയറക്ടര്‍ ഫാ. ജോസഫ് തോട്ടത്തില്‍ കടയില്‍, അസി. ഡയറക്ടര്‍ ഫാ. അലോഷ്യസ് തെക്കേടത്ത്, മേജര്‍ അതി ഭദ്രാസന പ്രസിഡന്റ് രഞ്ജിത ആര്‍.ജെ, ജനറല്‍ സെക്രട്ടറി ബിനോ ഗില്‍ബര്‍ട്ട്, പത്തനംതിട്ട ഭദ്രാസന ഡയറക്ടര്‍ ഫാ.ജോബ് പതാലില്‍, അസി. ഡയറക്ടര്‍ ഫാ. സ്‌കോട്ട് സ്ലീബാ പൂളിമൂടന്‍, ഭദ്രാസന പ്രസി ഡന്റ് അജോഷ് എം. തോമസ്, ജനറല്‍ സെക്രട്ടറി ബിബിന്‍ എബ്രഹാം എന്നിവര്‍ പദയാത്രയ്ക്ക് നേതൃത്വം നല്‍കും.
Leave a Comment
Your email address will not be published. Required fields are marked with *